சிங்கப்பூர் சேமிப்புப் பத்திரங்கள் அறிமுகம்

1 செப்டம்பர் 2015 அன்று முதல் சிங்கப்பூர் அரசாங்கம் சிங்கப்பூர் சேமிப்புப் பத்திரங்களை அறிமுகம் செய்கிறது. இவை நீண்ட கால சேமிப்புக்கு ஒரு பாதுகாப்பான மற்றும் தேவைக்கேற்ற இணக்கமான தேர்வை தனிநபர்களுக்கு வழங்குகின்றன.

சேமிப்புப் பத்திரங்கள் என்றால் என்ன?

சேமிப்புப் பத்திரங்கள் என்பவை தனிநபர்களுக்காக வடிவமைக்கப்பட்ட ஓர் சிறப்பு வகை அரசாங்கப் பத்திரமாகும். இதன் முக்கிய சிறப்பம்சங்கள்:

  • பாதுகாப்பானவை: சேமிப்புப் பத்திரங்கள் சிங்கப்பூர் அரசாங்கத்தின் முழுமையான உத்திரவாதத்தைப் பெற்றுள்ளன, இதனால் இது தக்கவைத்துக் கொள்வதற்கான ஒரு பாதுகாப்பான முதலீடுகளில் ஒன்றாகத் திகழ்கிறது. கூடுதலாக, முதலீட்டாளர்கள் தங்களுடைய அசல் தொகைக்கு எந்தவிதமான இழப்புகளுமின்றி, தங்களின் தொடக்க முதலீட்டுத் தொகையைத் திரும்பப்பெற முடியும்.
  • நீண்ட-கால முதலீடு: நீங்கள் பத்து வருடங்கள் வரை முதலீடு செய்யலாம், இதற்கான வட்டி காலப்போக்கில் அதிகரிக்கும். நீங்கள் அதிக காலத்திற்குச் சேமித்தால், அதிக இலாபத்தைப் பெறுவீர்கள்.
  • தேவைக்கேற்ற தொகைமீட்புக் காலம்: உங்களுடைய முதலீட்டுக் காலம் குறித்து நீங்கள் தொடக்கத்திலேயெ முடிவெடுக்க வேண்டிய அவசியமில்லை. சேமிப்புக் காலத்தில், எந்த ஒரு மாதத்திலும், எந்தவித அபராதமுமின்றி உங்கள் முதலீடுகளை நீங்கள் மீட்டுக்கொள்ளலாம்.

நான் எவ்வாறு வாங்க முடியும்?

சேமிப்புப் பத்திரங்களை வாங்குவதற்கு, உங்களுக்கு DBS/POSB, OCBC அல்லது UOB -இல் ஓர் வங்கிக் கணக்கும், நேரடி வரவு வைத்தல் சேவை (DCS) செயற்படுத்தப்பட்ட ஓர் தனிநபர் CDP கடன்பத்திரங்கள் கணக்கும் இருக்க வேண்டும்.

முதல் சேமிப்புப் பத்திர வெளியீடுக்கான விண்ணப்பங்கள் 1 செப்டம்பர் 2015  அன்று தொடங்கும். அதன் பிறகு ஒவ்வொரு மாதமும் ஒரு புதிய சேமிப்புப் பத்திரம் வெளியிடப்படும், ஆகையால், முதல் சில வெளியீடுகளைப் பெறுவதற்கு அவசரப்பட வேண்டிய தேவையில்லை.

நீங்கள் சேமிப்புப் பத்திரங்களை DBS/POSB, OCBC அல்லது UOB ஏடிஎம்’கள் வாயிலாக வாங்க இயலும். DBS/POSB வாடிக்கையாளர்கள் இணைய வங்கியியல் வாயிலாகவும் விண்ணப்பிக்கலாம். ஒவ்வொரு விண்ணப்ப வேண்டுகோளுக்கும் திரும்ப அளிக்கப்படாத $2 கட்டணம் விதிக்கப்படும். ஒவ்வொரு சேமிப்புப் பத்திரத்திற்கும் குறைந்தபட்சம் $500 முதற்கொண்டு $50,000 வரை முதலீடு செய்யத் துவங்குங்கள். எந்த ஒரு நேரத்திலும், நீங்கள் ஆக மொத்தம் அதிகபட்சமாக $100,000 மதிப்புள்ள சேமிப்புப் பத்திரங்களை உங்கள் கணக்கில் வைத்துக்கொள்ளலாம்.

மேலதிகத் தகவல்

நிதிப்பொருள் குறித்த உண்மைத்தாளை பதிவிறக்கம் செய்வதற்கு இங்கு சொடுக்கவும்.

எங்களைத் தொடர்புகொள்வதற்கு, உங்கள் விசாரணையை <contact@savingsbonds.sg> -க்கு மின்னஞ்சல் செய்யுங்கள் அல்லது சேமிப்பு பத்திரம் நேரடித்தொலைபேசி எண் 6221-3682  -ஐ அழைக்கவும்.